傅穎閨房Bra陣誘惑宅男
傅穎（Theresa）為迎戰今屆書展，特地將閨房「私物」大公開，將最貼身又切身的睡房、洗手間以至厘士Bra公諸同好，照顧宅男需要之餘，更教時下女士「升Cup」秘技。
Theresa過去六年一直是書展暢銷女王，繼上年的噴血寫真集後，今年Theresa又有新招，推出集合寫真、繪本、散文及扮靚心得四種元素而成的新書《A Time To Love》，有如一本個人雜誌，誓要蟬聯暢銷女王寶座。
內外剖白男女皆宜
入行接近十年的Theresa透露：「今次這本新書可謂嘔心瀝血，籌備達半年之久，將我內內外外徹底解剖，亦會分享扮靚心得，所以今次這本書不單止男fans啱睇，連女仔都啱睇。」
百件內衣首度曝光
既然說徹底解剖，Theresa將新居由睡房、浴室和衣帽間首度曝光，白色睡床上擺放了毛公仔，衣帽間內的睡衣都是粉色系列，最誘人是一排排色彩繽紛的喱士Bra，難怪迷倒一眾宅男封為「宅男女神」。講到公開近百件內衣照？Theresa表示：「真係第一次咁徹底公開自己嘅嘢，不過，平時瞓覺嘅睡衣都唔算好性感，最緊要舒服，自己又鍾意買啲靚內衣，見到新款都忍唔住買。」
Theresa話過新書連女仔都啱睇，除了分享扮靚心得，Theresa更會在書中教女仔點樣揀Bra，讓你毋須「僭建」，憑適合的Bra便能自然由A Cup都可以升到C Cup。
文：音樂組