林莉養貓預習湊B
模特兒林莉（Carrie）早前榮升貓主人，布偶貓女現時差不多十個月大，雖然貓女已成為家庭成員近兩月，但Carrie仍未替牠改名：「都係一個稱呼啫，我多數叫佢傻豬。」她表示在寵物店見到傻豬已覺合眼緣，眼大兼毛色勻稱：「佢係文靜嘅大眼妹，布偶貓外形高貴，條頸啲毛好厚，好似戴咗頸巾咁，好可愛！」
首次養貓的Carrie認為照顧傻豬飲食方面最費神：「佢好嘴刁，揀罐頭食，之前寵物店話佢鍾意食雞肉，我好有心機烚雞肉畀佢食，但後尾知道食得蛋白質多唔好，依家都以乾糧為主。」她又笑言養貓如養BB，最大得着是飲食生活隨着養貓後健康起來：「少咗食外賣，自己整嘢食同煲湯，仲陪傻豬一齊食早餐。」