Mr.撈過界潮物箍fans
組合Mr.下月將再踏紅館，五子信心十足，坦言經過三年的磨練已有明顯進步，今次開騷感覺淡定多於緊張。Mr.除了活躍樂壇，亦有意在時裝界露一手，與品牌合作推出潮物！
Mr.於樂壇征戰三年，下月再度踩入紅館開騷，成績有目共睹。有了首次經驗，心情會否一樣緊張？五子不約而同表示今次開騷，感覺較上次淡定，主音Alan說：「緊張加興奮，好懷念舊年極度緊張嘅感覺，上年期待感強啲。」Ronny感覺去年的騷就像今年的綵排：「今年會避開舊年嘅缺點，要做得更好！」問到會否預定唱超時，Tom搞鬼表示：「都驚會，惟有講少啲嘢。」
今年Mr.演唱會與服裝品牌5cm推出潮Tee，問到想推出哪種具個人風格的潮物，五子都講得興奮噴口水花，看來有意在潮流界參一腿。MJ對皮手套情有獨鍾：「彈結他郁得犀利，我都會用布包住手臂保護，推出有手臂長度嘅電單車型手套幾好，夏天襯短袖衫好睇。」
戴黑超做寸友
Dash想與最愛結他牌子fender出Tee：「可以令時裝友留意到音樂、樂器嘢，幾吸引！」自言非常易眼腫的Alan則獨愛浮誇黑超：「梗係浮誇好，橫掂喺香港戴超都畀人話寸o架啦！」而Tom及Ronny分別有興趣出斜孭袋及牛仔帽。
