石詠莉笑面魔鬼最識冧仔

歌手石詠莉擁有魔鬼身材，常予人嫵媚誘惑的感覺，其實她只是「鱷魚頭老襯底」的傻大姐。性格樂天的她鍾意笑，又擅長氹人哋開心，自然成為不少男士心目中的筍盤！

石詠莉曾是性感組合Freeze的成員，總是予人嫵媚誘惑的感覺，但她直言「性感」只是形象：「平日我出街都唔會着得咁性感，呢啲都係工作啫，嚟緊我都會改形象，雖然都會有性感成分，但係會型格好多！」

對於愛情，她都仍然憧憬童話式的美麗邂逅：「我覺得自己睇愛情都仲係好幼稚，成日都會幻想童話婚禮，等白馬王子嚟迎娶我！」石詠莉表示最羨慕幸福象徵陳慧琳，形容對方是現代的公主：「我見到人哋結婚，我都好想好似人哋咁幸福，都好大衝動想結婚。（做少奶奶？）咁又唔得喎，我會繼續做歌手，我成日覺得有嘢做好過冇嘢做，我好鍾意唱歌，亦都係個好鍾意工作嘅人，人哋話唔做嘢個人都會蠢啲架！」

入行走性感路線的石詠莉稍後將加入型格元素。

石詠莉珍藏的「號碼」未知已送給姜文杰未？

珍藏情侶裝手機No.

石詠莉自言其最大賣點是愛笑，而且感染力強，作為她身旁的男士都會變得快樂：「我好識氹人哋開心，可能我仲係好細個，仲會花好多時間去做無聊嘅浪漫嘢，成日都想畀驚喜對方！」她自爆等待心愛的人出現，然後就會把珍藏多年的「禮物」送給他：「其實份『禮物』就係一對好靚嘅電話號碼，我依家仲交緊電話費架，留番畀我將來嘅老公，呢個『情侶裝』係咪好特別呢？」