陳彥行一線之差鍊贏崔智友

韓國女星崔智友與香港演員陳彥行(行姐)日前出席上海美容博覽活動為美容產品代言,雖然行姐認為兩地女生各具美態,互相搶不了對方風頭,但她憑一條事業線,砌低密實現身的崔智友。

活動舉行當日,因崔智友遠從韓國前來,機程有所延誤未能趕及活動,她主持的開幕演出只好臨時改由陳彥行負責。原本做壓軸嘉賓卻改為打頭陣演出的行姐,自言心情緊張,因為她已有一段時間沒有在內地拍劇,擔心觀眾唔認得自己,但觀眾的熱情反應,令她自覺仍然好有叫座力,信心亦隨之返晒嚟。

煲韓劇喊濕枕頭

同場見到韓劇天后崔智友,行姐亦讚不絕口,覺得對方好高、皮膚好白,並笑說其實她亦是對方的擁躉,因為行姐年前在大陸修讀演藝課程時,亦有煲韓劇,崔智友的著名劇作《天國的階梯》,行姐亦看到並喊濕幾個枕頭。行姐說:「我嗰時煲佢好多套韓劇,《天》之外仲有《藍色生死戀2》等我都有睇,佢喺劇裏面演出都好賺人熱淚,我哋做演員都會互相觀摩吓嘅。」

孖份出美容產品

當崔智友到場後,與行姐二人齊齊主持祝酒儀式,兩人惺惺相惜,以英語互相問好。據行姐稱稍後將與崔智友合作推出美容產品,希望開拓美容之路。

文:影視組