Rachel戀銀行才俊想結婚

曾為李澤楷女友的羅愛欣(Rachel),昨晚風騷自爆有新戀情兼有「嫁期」,跟拍拖七個月的銀行界才俊有共識於兩年內結婚,更說自己心急趕生仔,目標兩個夠晒數!對於李澤楷和梁洛施分手,羅愛欣直截了當表明已跟對方冇關係,擺明劃清界線!

昨晚Rachel、恒生新抱何倍倩及大家樂太子女陳浩寧偕同男友趙益坤、王守業夫人等出席CHANEL J12 CHROMATIC腕錶發布酒會。自從李澤楷和梁洛施分手後,Rachel一直未有表態,直至昨晚才首度公開露面。當被問到李澤楷和梁洛施分手,她即劃清界線說:「我依家已經同佢冇關係!」並對舊愛和梁洛施之間的感情事不感興趣。但當問到她最近忙甚麼,Rachel即表現甜絲絲,一臉春風的自爆最近忙拍拖,已有一位拍拖七個月、任職銀行界的中國籍男友。

直認趕生B

至於有否計劃結婚?Rachel說:「有,共同有呢個方向,大家關係都係長遠咁諗,(婚期?)未知,都未有戒指,但大家目標都係呢兩年。」記者笑問Rachel是否趕生BB?她直認不諱說:「都趕o架!目標係生兩個,生仔生女都冇所謂,但我自己偏向鍾意女多啲!」

揀手錶送禮

另外,恒生新抱何倍倩表示老公下月生日,故到場是想揀選手錶送給對方,笑問說出來豈不是冇驚喜?何倍倩說:「都老夫老妻,結咗婚六年。(擔心七年之癢?)唔擔心,大家初初一齊時慶祝節日都想畀驚喜大家,但依家耐咗反而會預先問定對方想要咩,咁樣實際啲。」她續說稍後會代兒子畫父親節卡送給老公。

文:名人組