林峯無懼霜霜踩入個唱

此外，林峯昨日為紅館個唱舉行記招，首次挑戰四面台的他揚言要跳爆地板，晒肌展陽剛味。林峯又即場大晒舞功，並預告將勁歌熱舞跳爆四面台。

無綫高層樂易玲在台上踢爆林峯前晚因只得三小時排舞揼地扭計，林峯即笑言：「唔好以為氹咗我，下次就畀個半鐘頭我練。」

早前飽歷「峯霜事件」困擾的林峯，問到擔不擔心舊愛潘霜霜現身？他說：「講咗唔再答，歡迎每個真心入嚟睇嘅人。」似乎已走出陰霾，無懼前女友潘霜霜踩場。再問今年會否與上年一樣增設港姐環節？他笑說：「港男囉，陽剛啲。」