Jeana寸陳靜變形金剛
周秀娜師妹何佩瑜（Jeana）把口向來唔收，近日更取代「百果園咪神」陳靜（DaDa）和「浸大E神」楊梓瑤（Carol）成為線上遊戲代言人，即時氣燄大增，暗寸二人是變形金剛，更豪言揮低死敵心都涼，無懼周圍樹敵！
有「嫩版范冰冰」之稱的Jeana雖為周秀娜師妹，但為求上位，多次出口術周圍辣火頭，除了豪言寫真戰贏硬，又連師姐周秀娜也不放過，暗寸對方過氣！近日Jeana揮低DaDa和Carol，成為gameone代言人，令她氣燄更盛。
酬勞直逼周秀娜
據知，出道只有兩年的Jeana，代言酬金直逼周秀娜，已達七位數字，雖然突然成為小富婆，但把口依然唔收，對於取代二人成為線上遊戲代言人，被指曾整容及僭建巨胸的Jeana接受電話訪問時寸爆說：「對手只係變形金剛，同我今次個戰姬造型真係冇得揮，唔知係咪天氣太熱，依家真係心都涼晒！」
戰衣較師姐少布
Jeana更信心十足說：「唔單止宅男，宅佬、宅女都會覺得我靚，件Cosplay戰衣會比師姐（指周秀娜）嗰啲少布30％，露多兩吋都冇問題！做人永遠都要對自己有信心，如果唔係條路好難行落去，今次我Cosplay造型係戰姬，係全新2011型號，對手已經過氣喇，我絕對係進化版！」
文：專案組