周家蔚養身預備造人

無綫藝人周家蔚、葉翠翠、林師傑等人昨日一同出席活動，周家蔚透露早前有親戚生病而令她感到身體健康的可貴，問到會否因此而與男友洪天明作婚前檢查？她說：「天明上個月返內地拍戲前已經捉咗佢去驗血。（檢查埋適唔適合生小朋友？）呢啲順其自然啦，生唔到先要check。（一結婚就生？）穩定咗落嚟先，唔可以太急，要休養好身體先。」而她自己現時亦勤做運動，為結婚作最好的準備。