發哥教栢芝坐專機箍煲
周潤發昨日與太太陳薈蓮現身機場，發哥坦言非常關注全城熱話的「鋒芝變」，妙語連珠的他更搞笑提議張栢芝，向楊受成借私人飛機飛吉隆坡見謝霆鋒！
發哥昨日架上黑超現身機場，而戴上草帽、穿上黑白間條長褲的發嫂陳薈蓮陪伴在側，二人在辦理登機手續期間，有日本旅客、機場職員得悉發哥現身機場，聞風而至要求合照，發哥亦一一答應，盡顯親民作風！
成功收身160磅
即使離港工作，發哥亦時刻緊貼圈中新聞，他說：「我去北京宣傳英皇套新戲《建黨偉業》，（修身成功？）我依家160幾磅，叫做OK，唔錯咁啦！做乜咁多人喺機場？（傳栢芝出發去吉隆坡。）哦，吉隆坡好近啫，三幾個鐘就到，栢芝問楊生（楊受成）借私人飛機飛過去咪得囉，使乜喺呢度出現呀？」
十足鄧家爭產案
曾在《第30屆香港電影金像獎》上，以「香港電影未來三十年就靠你」來形容霆鋒的發哥，昨日更將霆鋒與慈善伶王新馬師曾相提並論，他說：「呢個圈多啲嘢做，熱鬧啲都好嘅，咁娛樂記者咪有價值囉！記唔記得鄧家爭產呀？娛記守候永祥大廈都守咗好耐啦！」
文：影視組