唐寧讚楚兒肥得可愛
Ada（蔡少芬）和唐寧分別剛升任媽媽，兩人常在微博上交流湊BB心得，共同話題多多，已度過坐月時期的唐寧，最近更開始為舞台劇綵排，昨日她說只看過楚兒的相片：「佢肥嘟嘟、好得意。（會送禮物？）睇佢個女需要啲乜嘢，大家都係媽媽最清楚，BB實際需要嘅都係奶粉呀、尿片咁，我唔贊成送衫，因為BB大得快，好快唔啱着。（唔擺滿月會相約食飯？）其實依家興擺百日宴，我哋都唔擺滿月啦，食飯都會約，因為係藉機出嚟見吓面。」
Ada另一好友朱茵已見過楚兒，大讚她似足媽咪：「Ada生個女時好辛苦，我有睇佢微博，知佢仲要清晨五點就要起身餵奶，好辛苦，如果到自己生BB都有啲驚，但呢啲嘢隨緣啦！」
