Ana R.恐洩私隱報警改密碼

模特兒Ana R.昨日行騷時透露手提電話被盜,雖未有親密照,但藏有大量個人資料,擔心私隱被公開,嚇得她急急報警求助及更改所有密碼。

昨日Ana為「第二屆亞洲青年婚紗時裝設計大賽2011」示範婚紗,她自爆前日綵排時在後台更衣室被偷去Blackberry手提電話,她憶述事發經過說:「發現唔見電話時我即刻打畀自己,當時電話冇人聽,一直到夜晚八點才被關掉。(有冇報警?)我有報警,仲要坐警車去,喺警局搞到十點先走得。」

她續說:「不過我最覺得奇怪就係,我個袋裏面仲有另一部電話,係iPhone,如果要賣錢,一定係iPhone賣得多啲,但佢又冇拎我個iPhone。」Ana坦言電話內沒有親密照,但卻有大量私人電郵、訊息及重要資料,她已即時將所有密碼改掉。

莊思敏等求婚

另外,莊思敏出席另一場婚紗騷時,笑言雖穿過逾百套婚紗,但仍未感到膩。而參加朋友婚禮時,曾有結婚衝動,不過男友吳浩康未有向她求婚,問對方是否覺得事業未有成?她笑言:「唔知呢,不過有輕輕提過話幾年後,咁幾年後即係冇回事啦。(如果要生BB都差不多?)係。佢都鍾意小朋友,而且佢有繼後香燈嘅責任。」

文:名人組