余文樂今年可謂多災多難，年初因天氣變化導致氣管收縮，一星期內入足兩晚急症室，而昨早又因腳趾公生瘡要入院做切割手術，原來他很早已發現生瘡，昨日透過經理人回應：「我皮膚易敏感，唔知係咪因為長期焗住，個瘡愈嚟愈大，不過一直都忙住返內地做嘢同去台灣宣傳，無時間去處理，直到近排返香港休息先去割咗佢，割嘅時候痛到我不停標眼水！」不過工作排到密麻麻的他未抖夠，日內就要趕返內地工作，應驗了「財多身子弱」之說！
手術完成後，樂仔馬上將「傷腳」相上載到微博，除了粉絲留言問好外，其好友NBA球員易建聯亦關切慰問：「你沒事吧？是不是打球扣籃（即入樽）時弄傷到了？」樂仔聞言即笑住回覆：「我不是你啦，我怎麼扣籃呢？」圈中好友田蕊妮亦表現擔心，樂仔即表示：「無事，小事而已，謝謝妳少奶！」雖然受了腳傷，但為食的他仍不停外出搵食，實行要好好享受在港的難得假期。
文：專案組