高海寧瘦到胸縮
高海寧、賈曉晨、呂慧儀等前晚為最後一集《魔法擂台》錄影，高海寧透露近來瘦了十幾磅，問到上圍可有縮水時，她說：「梗係有，連服裝間阿姐都問我點解細咗咁多。不過啲內衣仲啱着，唔使換。」為無綫作動漫大使的她透露不介意性感，她謂：「不過仲未知造型。（乘機出寫真？）冇人提議過，公司都冇講過，不過呢啲都係留畀後生女啦。」
早前有傳賈曉晨於拍攝《樂府藏龍》時被同劇的胡杏兒欺負而拍得不快，她澄清並無此事：「雖然同佢唔係好好朋友，不過佢好有禮貌，唔知點解會有咁嘅報道。我仲走去問佢係咪恰我，佢都話冇。」
