溫碧霞與猛男共舞
歌手溫碧霞（Irene）昨日為新歌《我愛的你不在身邊》拍攝MV，邀請到洪榮超為她執導，Irene以一襲白色tube dress上陣，大騷香肩及長腿，跟男主角身貼身浪漫共舞。Irene事隔四年再出新歌，她表示：「早前跟內地唱片公司簽咗約，暫時會推出單曲，呢首歌我老公都好鍾意，可能因為我成日都要飛，佢都見我唔到！」
Irene表示跟男主角共舞，希望表現出孤單掛念的氣氛，她不擔心老公會呷醋，她說：「我同老公唔係成日見，反而好珍惜對方，好鍾意掛住對方嘅感覺，小朋友都係，我一返到香港都好少出街，留喺屋企陪住佢同老公！」