對接連有韓星自殺，擁有一半韓國血統的港星宋芝齡大表嘆息，並稱韓國社會較保守，階級觀念重，在當地做藝人壓力很大，不似香港文化自由，層次高如周潤發可以着拖鞋行街巿搭港鐵。
她說：「當佢哋覺得去唔到另一個高位，就會好在意，好大機會有抑鬱症，唔似得香港，觀眾接受力大，即使有唔好嘅新聞好快可以冇事，所以我覺得喺香港做藝人係幸福啲。」
擁有一半韓國血統的名模Ana R.，對又有韓星自殺感到好可惜說：「佢哋去到咁高嘅位置，係會好寂寞，有唔開心都唔知同邊個傾訴，唔知邊個信得過，我媽咪都曾經擔心過我，怕無人可以同我傾偈。」而她一向愛錫家人，有媽咪和弟弟的支持，令她有很大的力量，若遇上不快事會選擇出外旅行散心減壓。