莊思敏需要唔同由攣變直
莊思敏（Jacquelin）近年由模界轉攻電影圈，早前她在電影《潮性辦公室》中演繹Tom Boy一角，並戀上呂慧儀，二人在戲中還有接吻鏡頭，Jacquelin笑言：「今次算係我銀幕初吻，（同佢接吻有冇咩感覺？）佢絕對係索女一名，佢嘴唇幾柔軟o架！」而現實生活中，Jacquelin坦言不乏同性追求者，亦試過與同性拍拖：「我讀中學時曾經同一個同性拍咗幾年拖，後來因為諗到未必有將來，所以最終分咗手，我唔抗拒同性戀亦冇後悔，只係當人大個咗需要唔同。」
Jacquelin在戲中也有以比堅尼上陣：「我個底線係三點不露囉，最緊要係劇情有需要，床上戲都可以。（同男友吳浩康備案？）唔使，佢好清楚呢個只係工作。」
另外，對於o靚模入侵影圈，Jacquelin認為純粹為噱頭，她直言：「搵得佢哋拍都唔會着得多布，身材係賣點，角色唔緊要，大製作或者大片都唔會搵佢哋。」
場地：稻菊日本餐廳（帝苑酒店）