陳奕迅褲襠「開花」險炸蛋

陳奕迅(Eason)剛完成珀斯、奧克蘭和墨爾本三場演唱會,據當地傳媒報道,Eason巡迴騷吸引了大半澳紐華人撐場,足見他的號召力驚人。為了給當地觀眾新鮮感,Eason特別以橙、綠、黃三色螢光頭登場,十分出位。

觀眾嚇窒大叫

Eason在珀斯一站演出時,舞台上大放煙花助興,由於煙花效果太猛烈,看似在Eason的褲襠中間爆開,嚇到觀眾目瞪口呆,o依嘩大叫,擔心「Eason爆蛋蛋」事件重現,幸好「小Eason」沒受傷,他笑說:「我根本乜都唔知,當時投入唱緊歌,只睇到一片煙火同感到好熱,可能舞台喺嗰刻慢慢下降,大家錯覺以為煙花喺我身上爆炸,哈哈!如果真係喺我褲襠爆煙花,我估自己冇可能唔大叫救命囉。」

上台前飲藥水

此外,之前有傳Eason聲帶有事,幸開騷後謠言即不攻自破,Eason說:「我聲帶完全冇事,但歌迷就好擔心,我嘅微博同facebook都畀fans炸爆,不停叫我休息,仲有fans搞咗個反我工作fb群組,我只係腳韌帶有事,我唔係工作狂,攰嘅話一定會休息,大家唔使擔心。」不過,由於當地氣溫劇變,Eason不慎患上感冒,惟有飲了藥水才上台演出,他笑言人有點飄飄然,感覺更佳。

文:音樂組