中巴買泳衣催旺桃花

被舊愛崔建邦涉「打」到分手的模特兒鄺敏慧(中巴),早前和生意人拍拖不到三個月又告分手,情路波折坎坷。為早日覓得有情人,中巴日前到廟街搵相士睇掌指點迷津,並選購鮮色泳衣「沖喜」催運。

中巴日前以OL打扮到油麻地廟街,在命理檔流連,最後幫襯了一檔掛着「廟街神相」字樣的攤檔。只見她睇相時愁眉深鎖兼不時擔心搖頭,即使有不少男途人站在她背後「偷聽」,中巴亦未有為意。期間聽到中巴詢問姻緣,她更說:「有第三者?咁點算?」最後相士寫了一張紙條,中巴即如獲至寶收下。

最愛運動型男士

數日後,中巴在apm出席完活動,即到商場的運動用品店選了多件鮮色衣物,包括紅色、黃色泳衣、短褲及波鞋等。身穿背心的她彎腰試穿鞋時,更露出三吋深長事業線。

中巴事後大方承認搵相士是問姻緣:「相士話我桃花好重,但弊在好易有第三者,佢話最後都會搵到個正常嘅人拍拖,運動型嘅男仔啱我。(買泳衣催桃花?)夏天就到,買泳衣好正常,相士有話叫我着多啲紅色呢類鮮色衫,不過我都想喺沙灘識到個運動型嘅好男仔。」

唐詩詠獲老友撐

另外,唐詩詠前晚被拍得於崔建邦家過夜,昨日不用開工的詩詠寫微博表達心情:「做呢行EQ低是很痛苦,不是四角戀嗎,現在變了翻撻,跟他做朋友已預了這些報道……」而詩詠老友梁靖琪受訪時說:「詩詠同阿邦曾有一段感情都開心過 ,作為好朋友都會喺身邊支持佢,陪通宵都會,唔好諗歪。」而曾與詩詠傳緋聞的黃嘉樂則稱:「詩詠係一個有情有義嘅女仔,佢哋識咗咁耐,過夜又有咩問題呢!」

文:名人組