羅力威處男個唱緊張失憶

「亞洲星光大道」出身的羅力威前晚在藝術中心舉行處男個唱，除女歌手羽翹撐場，亦獲歌迷熱爆支持。台上的阿威大騷歌藝並自彈自唱，但不時摸鼻抹眼又鞠躬表現極度緊張，期間見他行入後台再出來，他笑言：「我都唔知點解行入去……記得嘞，我係想入去抹汗。」因場內禁止拍照，歌迷乘機向阿威投訴，阿威即讓台下歌迷影個夠，場內即時閃個不停。
羅力威首次做售票個唱，大感壓力。
羅力威首次做售票個唱，大感壓力。

騷後，阿威承認因賣飛個唱感壓力，加上不慣戴耳機，自覺演出不夠完美。講到小動作多多？他解釋因眼瘡有很多分泌物，怕流落鼻孔。阿威表示待兩場個唱完成後，便會到醫院接受割眼瘡手術。說到完場後歌迷都不肯離開？阿威搞笑說：「佢哋唔趕住返屋企啫。」

羅力威、羽翹
  • 羅力威、羽翹
羅力威魅力不可小看，前晚全場爆滿。
  • 羅力威魅力不可小看，前晚全場爆滿。