周秀娜比堅尼迎暴雨

昨日周秀娜26歲生日，與男友Avis及一班好友出海開船P慶祝，同行還有師妹Annie G.及Hidy（余曉彤），可惜天公不作美，整日下雨及有雷暴警告，但壽星女Chrissie冇有怕繼續狂歡，一行人早上約九時現身西貢碼頭準備上船，出海後眾人在船上傾偈、玩紙牌遊戲及打麻雀娛樂一番。

男友送Chanel手袋

雖然天氣惡劣，一行人未有落水玩水上活動，但無損Chrissie的心情，她換上白色比堅尼上衣大騷事業線，並在船上四圍拍照，期間又與男友坐在船頭談心，二人又戴上情侶白色太陽眼鏡，甜蜜到爆。

Chrissie收到多位朋友的生日禮物，而男友則送上粉紅色Chanel手袋、手袋造型蛋糕及一個birthday kiss，令Chrissie驚喜不已，眾人及後大合照並繼續在船上狂歡。

男友送上手袋及手袋造型蛋糕，周秀娜開心到爆。

放大圖片

天氣差影響心情

事後Chrissie坦言起初心情受天氣惡劣影響，她說︰「難得放假加上自己生日，所以有少少唔開心，我都擔心安全所以冇落水，不過好耐冇試過成班朋友出嚟玩，今次船P玩得好開心。」

問到生日願望？她說︰「梗係日日有工開同過得開心啦！（願望快啲結婚？）唔係呀，未有打算。（男友送嘅禮物開唔開心？）收到好多朋友嘅禮物好開心，如果老闆送工作和假期畀我仲開心。」

文︰專案組