薛凱琪忍笑與方大同鬥騎呢
薛凱琪（Fiona）為緋聞男友方大同的新歌《張永成》拍MV，兩人以電影《危險人物》的經典造型上陣，戴上Bob假髮塗紅唇的Fiona，跟梳了薯嘜頭襯西裝的大同在舞池中大跳騎呢搞笑舞，難怪Fiona笑說：「呢次拍MV最辛苦係忍笑。」
Fiona前晚在微博上載接受電流治療的相片，原來她日前拍戲時弄傷頸項，她說：「劇情講我撼頭落人哋度，雖然係借位拍攝，但我fing咗幾十次，最初唔為意，點知第二日條頸痛到郁唔到，即刻去睇醫生。」拍攝時導演叫她毋須太大力，她還懶醒說：「得啦。」傷後她戲言不開工，怎料導演竟回覆要殺了她，她笑說：「未致於好嚴重，唔想拖慢劇組都照開工。」大同更笑她是長頸鹿，叮囑她要小心，Fiona說：「多謝佢提點囉，公司班同事都笑我fing頭搞到頸痛。」
