中巴拒復合：一世都唔使旨意
崔建邦早年和唐詩詠分手，於09年追求模特兒鄺敏慧（中巴），可惜同年12月，崔建邦因涉打中巴而分手收場，案件擾攘近半年。據知中巴在開庭前突然同意放生舊愛，故崔建邦免被起訴，只獲判簽保守行為一年。
中巴昨日接受電話訪問，對於崔建邦和唐詩詠翻撻大感愕然：「吓？真係估唔到喎！咁都得？惟有祝佢哋幸福快樂！愛情有時真係令人盲目，令人睇唔清楚。（如果崔建邦再追你呢？）哈哈！我諗一世都唔使旨意，一定唔會，留番畀佢哋啦。不過我好多謝崔生曾經畀我開心快樂嘅日子，仲要多謝佢令我日後要小心揀男朋友。」