陳鈺芸O型血惹蚊叮

唱作新人陳鈺芸（JuJu）近日為新歌《瞬間愛地球》到廣州五日拍MV，她以女神造型拍攝，非常新鮮。當日她身穿小背心到草地樹林拍攝，慘被蚊蟲狂叮。她謂：「拍攝大頭時，導演突然嗌Cut，仲叫我打自己塊臉，我以為自己表現唔好啦，原來係有蚊叮緊我！我已經狂噴蚊怕水都係咁畀蚊叮，好似吸晒啲血咁。成隊攝製隊四十人都冇事，之後佢哋話因為我係O型血所以好惹蚊！」由於她的手腳被叮至紅腫，又擔心蚊疤久久不退，影響之後的拍攝進度，故回港後即看醫生。