法拉見光死閉門鴛鴦戲水
陳法拉昨日與官恩娜（Ella）及卓韻芝出席時裝展活動，三女以不同服飾大鬥性感，最終Ella升「胸」成功搶盡「峰」頭。而被踢爆跟男友薛世恒鴛鴦戲水的法拉則一臉嬌嗲表示：「你哋好曳！」
陳法拉、Ella和卓韻芝昨日到尖沙咀出席「MARKS & SPENCER "LOVE YOUR LOOK"夏日時裝展」，三人分別穿上白色連身Tube Dress、吊帶低胸連身裙及橫間連身短裙示人，當中以「谷胸」上陣的Ella最為性感，成為全場焦點。而經常被拍得與男友薛世恒秘密外遊的法拉，被問到完成劇集後會否出埠？她說：「我都唔係成日畀人影，不過都好想去日本，順便探吓當年寄宿嘅家庭，只係公司話睇定啲先！」
鍾意酒店浸溫泉
由於法拉剛擔任美白代言人，故不會選擇陽光與沙灘的地方，她說：「我呢排拍劇都狂搽防曬，見光死，而且沙灘冇咁私人，我比較鍾意浸溫泉，最好係喺酒店房內嘅私人溫泉。」記者即踢爆她喜歡跟男友鴛鴦戲水，法拉聞言尷尬得嬌嗲表示：「你哋好曳，唔話你哋知！（唔使怕羞喎？）塊面好紅呀！」
拒為男友買under
而Ella則自爆在英國讀書時適逢發育期，故要自掏腰包購買內衣褲，她說：「我買啲健康嘅承托型胸圍，最鍾意係可以任試。」然而Ella卻十分抗拒為男友購買貼身內衣褲，她說：「咁尷尬，等佢媽咪幫佢買，或者叫佢自己買啦！」Ella又指初入行做模特兒時經常穿T-back，故會配合工作需要選擇穿甚麼類型內衣。
採訪：音樂組