江若琳努力豐胸 等着Deep-V

江若琳與陳嘉桓出席化妝品牌活動時來過正面交「峰」,齊齊大騷事業線與美腿,結果這場「胸」戰各有勝場,不讓對方專美!

身穿tube dress的江若琳昨日出席《Lancome水漾發佈會》活動,勁騷豐胸後的成果,騷事業線之餘又騷美腿,但同場的陳嘉桓也不輸蝕,穿上吊帶低胸連身短裙來迎戰,同場的「宅男女神」樂曈、o靚模陳嘉寶與蔡穎恩,慘遭二人搶盡「峰」頭。

江若琳笑言感覺自己是半個男人,但成功豐胸後雖初時不習慣,但自女性賀爾蒙急升,亦信心大增:「突然長大咗!(轉走性感路線?)性感唔係我嗰科,但夏天會着得涼快啲,好似tube top同吊帶,之前都有着,但冇咁嘅效果!(Deep-V呢?)唔得住,我仲努力按胸,遲啲要飛去新加坡做treatment。」

升cup換新內衣

她又直言由A cup升至B cup,並更換了新內衣:「細個唔識着,加上鍾意跳hip hop,所以以前係着運動型內衣,要換過晒!」她又即場傳授豐胸秘訣,表示每朝要按淋巴位,有助豐胸,不過卻沒有因豐胸而多了狂蜂浪蝶,笑說:「有都唔恨!」

陳嘉桓亦表示不介意性感,只要騷出線條美與健康便可:「我性感極限係唔會着比堅尼,晚裝性感都OK!最滿意自己雙腿,向來都有做運動keep fit!」對於她與江若琳大鬥性感,她謙虛地表示各有各美,還要效法她按摩胸部豐胸:「我會試吓,但唔刻意會騷(胸)!」

另外,陳嘉桓將與楊盼盼在慈善籌款節目中合作演出白蛇傳,目前正加緊練習,當中有不少凌空和舞蹈等高難度動作,令她練到周身瘀傷。

樂曈變小矮人

同場的樂曈站在高妹陳嘉桓身邊頓變小矮人,她坦言已習慣身形,也直認細細粒多宅男喜愛,因為是大男人天性,而擇偶條件是高大威猛的成熟男,並澄清與同演《點解阿sir係阿sir》的港男陳偉洪的緋聞:「佢得19歲,細我5年,同我細佬一樣年紀,我接受唔到細過我嘅男仔,亦唔覺佢追求我,我自己亦冇拍拖!」

文:名人組