石詠莉狂冧姜文杰玩底褲誘惑

前女子組合Freeze成員石詠莉(Sukie)與秦沛兒子姜文杰(Benji)秘密拍拖三年,二人愛得低調,但女方在微博中亦洩露了雙方密切關係,日前更發現Sukie在銅鑼灣為Benji買底褲。

前性感女子組合Freeze成員Sukie,與歌手又在無綫音樂節目主持的Benji「撻着」後,便收起性感,無非為顧及男友來自秦沛、姜大偉和爾冬陞的演藝世家的形象,最近她單飛做歌手演唱《3D肉蒲團之極樂寶鑑》主題曲《極樂》時,明顯只用誘惑姿態來演繹,男友Benji亦無詐型。

「內外」照顧周到

二人正因愛得低調,故Sukie行街為男友買貼身用品,包括內衣褲等,都有女友人掩護。一身密實黑Tee打扮的Sukie,日前現身銅鑼灣,不少宅男眼見昔日性感的Sukie如此密實打扮都有點愕然,但Sukie亦未有理會,只顧在唱片舖戴上耳筒聽歌,樂在其中。聽完歌,Sukie又到按摩店歎按摩椅,看來亦想買來孝敬五月十七日生日(明日)的未來老爺秦沛。

當Sukie與女友人逛到百貨公司的男士服裝部,她亦「大膽」為男友選購內衣褲,經一輪研究後,Sukie最後亦揀得戰利品,女友「內、外」照顧周到,難怪冧得Benji貼貼服服。

認識多年好啱傾

當記者向Sukie問及與Benji戀情以及為他買內衣褲一事,她卻口窒窒說:「吓!我哋係好朋友囉……成班人一齊玩,所以聚會啲相會放上微博分享。(你幫佢買貼身用品?)我都係睇吓……嗰日有個女朋友陪冇咁尷尬,原來男裝內衣褲都好多款式!(係咪你男友?)總之我哋識咗幾年,好啱傾,對音樂又有共同目標,遲啲我哋喺音樂上有合作!(見過家長?)Paul哥(秦沛)好好人,成日喺電視見到!」

文:影視組

攝:沈建程