Amanda S.婚前派對扮醜遊街

混血靚女名模Amanda S.(圖)將披上嫁衣,早前與姊妹團一行五人到布吉舉行婚前派對,更被醜化行街,她前晚出席品牌相片展覽派對時說:「間蛋糕店就開,到時我走唔到,所以早啲搞個派對。班朋友幫我打扮成Britney Spears,要我戴金髮、低胸加短裙,條裙短到露底不特止,佢哋仲將好多毛毛貼喺底褲上面,好醜樣兼肉酸。而且我又玩答問遊戲,每次都答錯要飲酒,飲到醉晒!」

記者着她分享相片?她則耍手擰頭地說:「Too personal!唔會啦!除咗酒店,就連出去食飯都着成咁,好彩冇人認得我,真係太crazy,街啲人見到我都會諗點解我着成咁,但係我覺得非常有趣!我決定有時間都會在結婚前返去泰國輕鬆吓。(係咪唔想嫁?)我想結婚同生BB,唔可能一世單身!」