林欣彤食緋聞男檸檬
小巨肺林欣彤（Mag）與兩位緋聞男友羅孝勇及胡鴻鈞，昨日到荃灣愉景新城出席「麥當勞Voice of McDonald's香港區決賽」活動。阿Mag被問到如要在兩位緋聞男中揀一個做男友，會如何抉擇，她說：「我驚佢哋兩個啲fans唔肯放過我，我係唔夠佢哋啲fans爭，其實傳緋聞都傳咗好耐，我都習慣咗，依家就算約去行街食嘢都唔會驚。（緋聞令心儀者唔敢追你？）係囉！冇人追都唔知點算，都係唔拍拖啦，有時間就瞓覺！」
胡鴻鈞則笑言：「我同阿Mag係好朋友，如果要做情侶一早做咗，或者下一世啦！」羅孝勇也加入向阿Mag派檸檬，他說：「我都冇時間，我都忙做主持。」