阿佘有戲有力捱餓趕對稿

無綫吸金女王佘詩曼約滿後除了決定北上搵人仔,近日更有意於電影圈大展拳腳,夥拍方力申、羅仲謙等人拍攝導演葉念琛的新戲。前日晚上,阿佘與謙仔現身紅磡糖水舖拍攝,放飯期間,阿佘寧願捱餓唔食嘢齋飲檸茶,拉大隊一齊對稿,相當專業。

阿佘約滿無綫後改簽部頭約,銳意全力北上搵人仔和拍廣告。有意於電影圈發展的她,最近與一向擅長拍愛情小品的葉念琛合作,與方力申及羅仲謙等人拍攝新戲,戲中她與方力申飾演夫妻,有不少對手戲。

未被圍觀者影響

前晚十時許,阿佘與謙仔齊齊現身紅磡糖水舖拍攝。現場所見,阿佘現身糖水舖後,即惹來不少湊熱鬧的途人駐足圍觀,雖然人流眾多,不過見慣大場面的阿佘未見分心,相反更快速投入角色,專心與謙仔於店內對戲,相當專業。

謙仔講笑氹阿佘

其後葉念琛上前為二人對稿及講解時,阿佘亦未有怠慢之意,除了全程聽足導演吩咐,更不時搵紙筆抄低重點。對稿期間,謙仔經常講笑冧伊人,阿佘常常被謙仔氹得四萬咁口,足見二人合作愉快。

放飯時間一到,眾人即轉到另一地方休息,未幾工作人員買了快餐為眾人醫肚。專業的阿佘不為所動,寧願捱餓,僅飲檸檬茶了事,旋即主動與葉念琛、羅仲謙及陳嘉桓等人繼續對稿。

文、攝:追蹤組