Rednoon為公平發聲無懼封殺
樂隊Rednoon去年出席電台倒數活動，因不滿大會「大細超」，安排眾星演出時間長短不一，故在台上炮轟，最後慘遭該台DJ梁德輝在微博爆粗鬧，打不死的Rednoon說：「係就兜口兜面同我哋講。」
Rednoon終於捱出頭來成功推出入行十年的處男專輯，估不到卻惹來一身蟻，先被秦沛兒子姜文杰誤會封套上的標誌意思，接着出席港台活動時有感大會欠公平，犧牲演出時間狂轟大會，最終被指博宣傳及遭行內人指罵，甚至被該台DJ梁德輝在微博以粗口辱罵，Rednoon解釋說：「我哋咁做唔只為自己爭取公平，其實都係為一班歌手爭取。」
非為博出位
Rednoon表示已做定被封殺準備，四子說：「我哋本住死，一向唔理呢啲嘢。（畀人用粗口公開鬧？）作為一個標榜公平公正、教育市民嘅電台DJ，竟然講啲咁嘅嘢，係就兜口兜面同我哋講，睇吓講粗口錯啲定係我哋係台上炮轟錯啲。」Rednoon強調不是為出位而作出炮轟行動。
唔會走捷徑
問到四子會否對樂壇死心？Rednoon說：「我哋係唔信邪嘅人，愈做唔到就愈要做，唔信唔得。」四子強調不會為上位而做出「巴結」及「埋堆」等行為，他們說：「我哋過去嘅路都係捱番嚟，從來唔走捷徑。」
文、攝：音樂組