Rika沙灘瞄仔慶牛一
跳唱組合OctoBeez成員Rika最近生日，由於正日要密密開工，故日前趁有時間即相約好友Hazel日光浴，兩人在沙灘上邊瞄仔邊搶食西瓜，認真識歎！
新八模兼跳唱組合OctoBeez的Rika（王麗嘉）最近生日，趁天氣風和日麗，最佳的慶祝節目當然是陽光與海灘，於是她相約隊友Hazel（徐熙素）到石澳曬太陽慶祝喪玩，原來這已是Hazel連續第三年陪她過生日，Rika說：「好感情到人哋以為我哋拍拖，前年佢送花畀我，舊年送護膚品，今年就送化妝品，好多謝佢！」
穿上比堅尼的兩女在沙灘上大晒索爆身段，自然難逃畀仔狂瞄，但她們仍自我陶醉互拍一番，Rika更瞓低擺出S形甫士，不過被望的同時，她們亦有偷瞄健碩靚仔救生員，Rika說：「咁啱有人浸親，就見到成班好靚仔嘅救生員出動！」
神秘蛋糕送驚喜
因怕海水太凍，兩女都沒有落水，只留守沙灘狂食士多啤梨及西瓜，期間她們更展開一場西瓜爭奪戰，場面搞笑！Hazel說：「曬太陽係Rika嘅主意，壽星女大晒嘛！天氣咁好，終於出動曬下喇！」其後她們到日式餐廳食放題，Hazel更聯同餐廳老闆送上神秘生日蛋糕，令Rika驚喜到眼濕濕！
Rika生日正日沒有時間慶祝，整天由朝做到晚，連吃飯時間也沒有，她說：「生日先咁忙，希望成年都有開工啦！」
文：立影