鍾舒祺紋身阿媽喊殺
歌手鍾舒漫的胞妹鍾舒祺（Sukie）在台灣發展順利，正忙於籌備第二張專輯，近日獲好友Circus團員Leo邀請，為其品牌OUTER-SPACE擔任春裝模特兒，見Sukie有不少的鬼馬動作，不時露出大髀跟手臂上的紋身，相當有型格，Sukie說：「呢啲唔係真紋身！係我自己買紋身顏料畫上去，如果真係去紋身，我諗有兩個人會追殺我，一個係媽咪，一個係經理人，哈哈！」
充滿藝術天分的Sukie坦言對設計甚感興趣，希望將來有屬於自己的品牌：「其實我腦入面已經有好多ideas，勁多靈感，不過我冇錢搞品牌，要等人投資囉，（搵家姐投資？）咁又唔好，一人做事一人當，我有信心會有人賞識我嘅作品！」