郭穎橋早餐豐富夠動力
歌手郭穎橋對養生之道甚有研究，她認為一切應由飲食開始，阿橋說：「做藝人經常食無定時，更加要注意飲食嘅質素，我習慣每日將第一餐視為早餐，一定要夠豐富，因為佢可以為全日嘅工作帶來動力。」
提到選擇食物，阿橋表示應少肉多菜外，又大派美顏貼士：「每日飲紅桑子汁有助去水腫同排腹便，而且佢嘅食物纖維比士多啤梨高兩倍，對女仔嘅健康特別有幫助。」
此外，阿橋每日亦會選擇多飲鮮奶，她說：「女仔係應該喺25歲之前多飲鮮奶，補充鈣質，可以預防骨質疏鬆，25歲之後都可以，不過，要攝取嘅分量就會比25歲前多啦！」