蔡瑩瑩辣妹主義
夏天即將殺到，相信女士們應開始勒緊肚皮，進行地獄式減肥，來迎接小背心及熱褲，但「o靚模狀元」蔡瑩瑩（Ivy）卻一於少理，身為泰菜fans的她，面對至愛美食時照食可也，強調少食多餐及均衡飲食，就食極唔肥！
Ivy酷愛泰菜以天然香草調味，輕食種類又繁多，適合要瘦身的女士：「我鍾意食辣，所以成日都食泰國菜，其實泰國菜用香草煮，比好多菜式都天然健康，冇用味精煮就唔會搞到有水腫問題；沙律亦有好多選擇，好似木瓜沙律同柚子沙律咁，先食沙律打底，飽咗兩成，之後再食主菜就冇咁易肥啦！」至於小食拼盤，Ivy就讚它食物款式多多兼細細件，可以與大班朋友分甘同味：「小食以炸為主，香口食物真係好難抗拒，同朋友分享又可以幫手分擔卡路里！」
吃辛辣的泰菜，凍飲不可或缺。嫌椰青及珍多冰不夠新奇，可試Ivy精選的「有得食、有得玩」飲品：「個青檸特Shake冰味道固然清新，最重要係飲之前可以自己Shake，好得意，做咗調酒師咁。」
場地：泰簡單