陳茵媺情侶檔豪接job
陳茵媺（Aimee）近日工作量大增，更表示不介意與陳豪以緋聞情侶檔接工作，只要有錢搵便開心。對於廖碧兒的事，她表示不想再回應。
陳茵媺昨日出席商場的復活節活動，心情大靚的她被問到是否與陳豪傳出緋聞，因而工作量大增，她謂：「其實係睇吓啲時間安唔安排到，工作量差不多，安排到我都會盡量做，只係大家多咗關心我嘅愛情狀況。」問之後會否與陳豪一齊接工作，她表示未知，要視乎公司經理人的安排，但自己就不介意，同哪個同事都一樣，只要搵錢就開心。說到與陳豪緋聞情侶檔上陣酬勞會更高時，她謂：「係咩？冇所謂，希望配合到客戶，搵到錢就開心，做多啲嘢就開心。」
生日互傳sms
對於廖碧兒傳被趙彤撬男友一事，她表示不清楚，不關自己事的事情不作回應，指自己向來低調。廖碧兒之前於訪問時暗指她是第三者，問她有否不高興？她坦言已回應過，不想多談，記者指對方借她炒作新聞時，她謂：「唔講！（同陳豪有共識？）同佢冇溝通過，最近冇聯絡，最後一次係佢生日時sms畀佢，我生日都收到佢sms！」
「拍拖先算啦」
此外，廖碧兒又埋怨陳豪不承認及公開二人之戀情，問陳茵媺若與陳豪真的拍拖，會否擔心陳豪都不承認？她笑言：「有嗰日先算啦！（你拍拖會否公開？）拍拖先算啦，依家我想專心工作，有乜嘢事發生先再算！」
文：影視組