馮曦妤畀葵鼠仔玩殘

歌手方珈悠、馮曦妤（Fiona）及林奕匡（Phil）昨日出席復活節活動，為寵物表演評分，他們分別跟鸚鵡及蜥蜴合照，場面非常熱鬧，現場所見Phil最怕蜘蛛，當工作人員遞上要求合照時，他都耍手擰頭唔敢掂。Fiona則最怕葵鼠，她笑說：「我細佬帶過幾隻返屋企養，點知我瞓瞓吓有吱吱聲，原來佢哋通屋走，我細佬成晚捉鼠，我就嚇到唔敢落地，之後畀番朋友唔再養喇！」方珈悠坦言一向愛動物，小時候屋企是動物園，貓、狗、烏龜、青蛙等都養過，但她最鍾意狗仔，她說：「本身養隻狼狗，後尾移民之後都冇養喇，因為自己一個湊唔掂隻大狗！」