狄易達昨日為跳舞活動表演，提到其跳舞學校狄易達軍團現時已有近4百位學生，達仔稱望收夠1千名學生，將來舉行大型跳舞比賽，他說：「2月開始租咗studio，平日自己出騷拍劇都有帶埋佢哋，（轉行搞學校？）唔係，蝕錢又蝕時間，自己投資咗6位數，因為暑假做多咗宣傳，營運上都有負數。」
達仔表示雖因工作繁忙減少其授課堂數，但若有比賽與演出，一定會抽空為軍團排舞。此外，他又透露最近請來EO2的Eddie擔任星級導師：「依家最細學生大概6歲左右，仲有媽咪級。」
