康仔過來人勸錯就要認
蘇永康昨日與謝安琪及RubberBand出席記招，宣布下月廿四日舉行「拉闊音樂會」，對於莫少聰在內地涉嫌吸毒被捕，多年前在台灣因吸毒被判「勒戒」的康仔以「過來人」身份，勸喻莫少聰及孫興要知錯能改，他說：「我唔識佢兩個，希望可以用最正面同最簡單嘅方法去處理呢件事，人在異鄉發生呢啲事會有好大恐懼，但都要尊重人哋嘅司法制度，總之錯就要認，錯咗就要改！」
康仔稱當年在台灣出事時，有不少記者在警察局內採訪他被捕過程，對於莫少聰被捕片段被電視台直擊以致情緒失落，康仔即說：「絕對了解！」問康仔是否同情對方？他說：「我唔想用同情或忠告字眼，佢嗰一刻個人已經思緒混亂，仲要突然有鏡頭對住自己，一定係六神無主！」問康仔有甚麼忠告給莫少聰？他感嘆謂：「嗰啲嘢（毒品）係唔會令人開心，只會帶畀你無限煩惱，但講咗咁多年都仲有人去試！」