呂晶晶獲邀回巢條件任開

呂晶晶近日被亞視最高領導人點名羅致旗下,力捧為「亞視一姐」,除讓她擔正女主角外,更任她開出天價薪酬,誓要簽她為「親生女」。

亞視自從領導層執位後,一直有心作改革,自家製作不同類型節目,又找來金牌製作人鄧特希開拍劇集,眼見亞視旗下藝員少之又少,新老細下一步目標就是要重整藝員部,據知首個要簽的就是與亞視合作無間的呂晶晶。

據知情人士所指,新老細除了有意捧晶晶為「亞視一姐」,讓她擔演明年劇集的第一女主角外,大騷亦會找她擔任司儀,至於薪酬方面,更任由她開出「天價」數字。

想知有乜job

另外,亞視亦已安排台慶當日(5月29日),首播晶晶與諸葛梓岐擔任主持的《好味道》系列節目,對她甚為重視。不過,晶晶與現時的經理人公司還有合約,而公司亦表明新合約年尾生效後,會即時加她50%人工,有見及此,新老細不假思索將重任交給亞視高層葉家寶,要他親自出面與晶晶經理人公司「講數」。

晶晶昨日受訪時不諱言新老細親自跟她提過此事,更着她快些回巢:「以部頭藝員嚟講,亞視畀咗好多機會我,好開心佢哋咁睇得起我。不過依家經理人公司合約上都有問題,唔係我話傾就傾,好多嘢好似發展、金錢、工作都要考慮,就算力捧為一姐,都想知實際有乜嘢job。」

不滿炒作新聞

問她是否因怕與執行董事盛品儒傳緋聞被指點?晶晶說:「真係唔關佢事,今次係新老細親自同我傾,我唔明之前有啲人炒作新聞,話公司優待我,我已經好唔開心,不過自己畀心機工作,努力一定有人睇到。」