馮寶寶戲齡之深，演出能莊能諧，除讓她在第十二及第十三屆分別憑《92黑玫瑰對黑玫瑰》及《新不了情》贏得「最佳女配角」外，更加成為一眾藝人票選的「女配角中之女配角」。
男子組合農夫成員陸永說：「睇寶寶姐同黃韻詩喺《92》入面鬥戲，正到呢，如果佢兩個可以一齊攞女配角就好。難得寶寶姐可以演正劇令人感動，演喜劇又可以令人笑到肚痛，我真係想貼個『最最最佳女配角』label畀寶寶姐。」
