黃宗澤睇厭杏兒嗌悶
近日有傳黃宗澤偷嗒大陸女助手，「女友」胡杏兒逼男友攤牌。杏兒昨日擔任「全球華語大學生影視獎」頒獎嘉賓，她對傳聞表示：「咁奇怪？真係唔知有件咁嘅事。成日有花邊新聞，當故事聽唔使咁認真。（撐佢？）唔回應。（雨過天青？）唉！我反晒白眼！」雖然早前黃宗澤承認杏兒的女友身份，但她說：「邊有啫！」
另一邊廂，黃宗澤與陳偉霆出席活動，他強調與女助手沒有曖昧關係。問到是否獲杏兒信任？他說：「我都好信我自己，同佢（胡杏兒）喺大陸拍劇日對夜對，見到悶呀，想換吓對手囉。（換女友呢？）搵啱嘅就唔使換。」
