傅嘉莉睇中百萬名車逐架試
出道時有「翻版徐子淇」之稱的模特兒傅嘉莉（Kelly），出道短短日子因工作不斷，加上慳家而迅速置業成為小富婆，但近日卻一改慳妹本色，忽然「豪」起來，狂掃名袋及名錶，短短兩天就豪花六位數字，更有意置百萬新車，絕非等閒！
挾着「翻版徐子淇」之名加入模界的Kelly，以清純形象見稱，入行一段日子，近年飛往日本發展的她，日前難得有空返港，隨即出動shopping。本報記者日前於銅鑼灣發現Kelly，架上墨鏡的她甚有星味，只見她走入名錶店Omega，且不消二十分鐘便扑錘買下一枚名錶，十分豪爽！其後隨即轉到附近名車行試車，未知是否熟客仔，車行的職員對她明顯十分殷勤，而她試的名車大多是價錢不菲，閒閒地由數十萬至百萬元不等，她亦對新款Benz注視不已，經紀也不住介紹新款名車給她，Kelly則逐架名車坐上測試，十足上等人！
訂購法國紅酒
離開車行，Kelly仍意猶未盡，再到鄰近的紅酒專門店買紅酒，據知她訂購了六支法國美酒，但因該品牌和年份的紅酒皆極名貴且貨源很少，故要先訂等貨。
而翌日下午，Kelly再度出動到銅鑼灣，並到名店Chanel選購了一個最新款的手袋，粗略估計，這兩天Kelly共花了十萬多元！
儲到錢醒家人
事後記者致電她，問到何以「豪」起來，是否被人「照顧」？她即緊張地解釋說：「梗係冇啦！（兩日使十萬？）我係有去過啲名店，但冇使咁多錢，只係幾萬。因為最近好忙，連母親節都冇得同媽咪過，所以買定隻錶送畀佢，只係三萬，至於個Chanel袋我想買咗好耐，咁之前拍廣告同拍戲儲到啲錢，就孝敬家人同對自己好啲；而車只係睇吓，邊有能力負擔。」
文：名人組