林二汶昨日為5月舉行有關「前度」的棟篤唱進行宣傳，已約滿人山人海的二汶投資6位數字自立門戶，她說：「想喺30歲之前有自己嘅Label，除咗音樂之外，都可能有任何嘢。」
二汶與組合at17拍檔盧凱彤各有各忙，問到是否「合體」無期？她說：「唔會，明年10周年會有騷，佢依家喺台灣忙緊。」此外，二汶又感激黃耀明幫助，她說：「雖然冇合約，但要我哋嘅時候，都一樣會喺度，明哥依家見到咩值得參考都會電郵畀我。」
