張智霖怕生女畀人蝦
張智霖（Chilam）昨日現身電台為新碟宣傳，暫定六月回內地拍攝電影《一代宗師》的他將全情投入歌手身份。他說：「依家狀態好好，仲fit過之前。（生多個BB？）都希望。（太太袁詠儀配合到？）唔知喎，呢啲睇天意啦！（追個女？）想生多個仔，怕生女畀人蝦。」Chilam又透露唱片公司正積極為他度期舉行個唱part 2。
有指《一》片因未拍攝完畢將止步康城，Chilam稱未有留意報道。對於最近頻頻有藝人投訴無綫刻薄，他謂：「無綫提供藝人曝光機會，自己受過好多恩惠，好感激，但每個人有自己諗法（拍劇好辛苦？）好辛苦o架，時間好長，當年拍《射鵰》仲因為唔夠瞓撞車。拍嘢唔會舒服，但唔覺無綫特別刻薄。」