傳食啤梨降呢 傅穎：拍拖唔分階級
傅穎昨日穿上婚紗，為電台喜劇《一屋住家人》拍攝影結婚相場面，譚俊彥做新郎，劉以達及元秋飾演傅穎的父母。傅穎坦言很喜歡穿婚紗，也恨拍婚紗廣告。提到與DJ啤梨（葉文輝）的緋聞時，她笑說：「笑料一則。（介意男友矮？）唔會介意高度，但我同佢係朋友。」與啤梨傳緋聞令她被外界形容「降呢」，傅穎說：「拍拖唔會分階級，更何況做朋友，我都要維護身邊啲朋友。」
傅穎揚言若下次拍拖會向外界公開，她說：「可能有啲安全感。（係咪上次被羅仲謙呃過？）呢樣唔好講。（呢三個字都唔提得？）唔好講。」問到情傷痊愈沒有？她笑說：「咩傷？我呢期氣管唔係幾好。」始終避談羅仲謙為她帶來的情傷，她說：「展望未來。」雖然目前她不想拍拖，專心工作，但她表示不排除將來先生後婚。之前被傳遭公司「雪藏」的她被問是否解凍復工？她說：「唔係，冇雪過，天氣回暖。」
