梁家輝自嘲冇資格稱帝
「第三十屆香港電影金像獎」舉行在即，影帝影后之爭如箭在弦，候選影帝梁家輝質疑自己入圍的代表性，因他於戲中飾演李小龍的父親，反而真正主角「李小龍」李治廷冇份。
本屆金像獎進入倒數階段，昨午鄭丹瑞（阿旦）、谷德昭及毛舜筠出席拜神儀式。原本曾志偉及梁家輝亦計劃現身支持，但據知志偉在內地趕不及返港，家輝則扭傷腳，就連盛會屆時亦宣告缺席。幸而大會當晚邀得成龍、譚詠麟、周潤發、劉嘉玲等擔任頒獎及表演嘉賓。記者致電家輝助手Janet，她透露家輝傷勢已無大礙，目前身在橫店繼續趕戲。
毛舜筠睇好發哥
家輝月前為金像獎特刊拍照，順道接受亞視訪問，他開玩笑謂：「我到呢一刻仲喺度思考緊，點解《李小龍》嘅男主角提名會係李海泉（家輝角色）嘅？我入到圍已經好高興，依家當自己輸咗嘞。」而女主角候選名單中，由於楊千嬅早已在《電影評論學會》中先拔頭籌，但她接受now訪問時透露遭老公丁子高柴台：「佢話我輸梗嘅，咁樣講都想我唔好咁緊張啫。」
毛舜筠昨被問到心目中的影帝時，她說：「發哥囉！」在旁的阿旦搭訕：「咁話一定冇死，我支持薛凱琪攞影后。」毛舜筠即接口﹕「我都支持佢，因為佢係我嘅新抱仔。」
另外，對於家輝質疑自己入圍的代表性，金像獎發言人指各項獎項的提名，均由電影公司自行衡量報名，但若電影公司將只得一、兩個鏡頭的演員報名男女主角，金像獎會去信要求電影公司解釋，若解釋合理都會接受。
文：影視組