江若琳讚葉念琛人品好

Elanne、陳嘉桓（Rose）、新鴻基地產代理租務部總經理鍾秀蓮女士以及白瓷擺設設計師沈亨榮昨為「純白之美．瓷雕藝術展」揭幕，當中沈大師更專程由台灣飛到香港，各人於活動上都捧價值不菲的白瓷擺設，感覺優雅。

唔會有避忌

Elanne近日與葉念琛導演因共同上載鮑魚相，而傳出緋聞，她就澄清二人是相識多時的好朋友，這是一個美麗的誤會，她說：「其實只係一班人食飯影相擺上微博，估唔到會令人聯想錯咗。（佢讚你爽朗。）係咩？咁都開心嘅。（佢係咪你理想對象？）都只係好朋友，不過佢個人有才華，人品都好好。（會唔會避忌？）唔會，會好似平時咁，我哋都無嘢所以唔使咁做。」

江若琳與新鴻基地產代理租務部總經理鍾秀蓮女士（左三）等為展覽揭幕。

陳嘉桓在活動上親手在白瓷畫上圖案。

否認野蠻女

另剛有電視劇《洪武三十二》播出的Elanne表示自己初初睇這套劇時有點不習慣，她謂：「個角色好野蠻，同我平時好唔同。（謝天華話係真嘅你喎。）梗係唔係啦，我無公主病o架，一定係佢見到我太入戲啦。不過套劇會有好多高潮，自己都好滿意。」工作不斷的她之後會跟阿牛合演電影《結婚那件事》，題材以結婚過程為主，她笑言可能藉此去感受一下籌備婚禮的煩惱事。

另外，Rose對潘霜霜指於林峯電話中發現第三者短訊時，她就表示自己未有與林峯傳短訊，平時都是與對方在微博上溝通。

文：影視組