陳茵媺爆陳豪未示愛
最近傳與陳豪撻着的陳茵媺昨日出席復活蛋展覽亮燈儀式，問到會否送復活蛋給陳豪？她笑言考慮記者的建議。提到陳豪即將生日，她謂：「我會send SMS畀佢。（咁少？）加多個happy face！（之前佢送咩生日禮物畀你？）都係SMS囉！其實朋友之間，一句問候已經好滿足！」雖然陳豪對她鍾愛有加，但只以「朋友」相稱，陳茵媺面紅地說：「人哋都無話鍾意我！（咁你點諗？）無諗呀！」
活動完畢，陳茵媺與女助手到西貢共進午餐，及後助手離開，她則獨自逛書店兼購物。問到為何有時間不去拍拖？她謂：「陣間都要返廠開工。（陳豪會唔會探班？）冇呀冇呀！」