官恩娜畀人拉喊定先
官恩娜（Ella）與名模Mandy Lieu前晚出席時裝騷，Ella表示剛完成《荃加福祿壽探案》，笑言最難是忍笑：「因為我嘅角色係做殺人犯，我都唔敢同其他演員講嘢，自閉咁培養情緒。有一幕我畀人拉，因為情緒嚟，仲未拍先喊，阿姐（汪明荃）仲叫我唔好嘥啲眼淚。」她還大讚阿姐易相處：「愈合作愈鍾意佢，感受到佢嘅女性味道，想好似佢咁成功。（係咪唔敢遲到？）大家工作態度好好，準時開工、準時放工！」
至於Mandy則興奮表示將為雜誌寫專欄：「我會用英文寫，搵人幫我譯番做中文，分享一啲女人心得，好似扮靚咁。（會唔會提到前男友？）我諗會有少少，會寫一啲私人嘢。」
